Haurrak eta nerabeak babestea kiroleko indarkeriaren aurrean: Donostia Kirolaren Prebentzio eta Jarduera Protokolo

 

Donostiako Udaleko Kiroletako Udal Patronatuak, Berdintasun Sailarekin elkarlanean, sentsibilizazio- eta hausnarketa-prozesu bat egin du tokiko kirol-arloko eragileekin, eta, prozesu horren amaieran, adingabeen aurkako indarkeriaren aurrean jarduteko prebentzio-protokolo bat sortu da.

Protokolo hau udaleko kirol-instalazioetan, tokiko kirol-klubetan eta Donostiako eskola-kirolari lotutako erakundeetan aplikatzeko diseinatu da, eta prebentziorako neurri osagarrien katalogo bat barne hartzen du, kirol-eremuaren idiosinkrasiara egokituak: kirolarientzako, teknikarientzako eta familientzako jokabide-kodeen ereduak; aldagelen eta dutxen erabilera; fisioterapia-gelen eta beste espazio batzuen erabilera; bidaiak eta gaualdiak; sari-banaketak; harmailetako portaera; eta irudien eta sare sozialen erabilera.